مملكة الأنمي , ترجمة الأنمي & مانجا


كل شيء نحن فيه بارعون ~ فوتوشوب, ترجمة الأنمي والمانجا والإداره ~
 
الرئيسيةاليوميةس .و .جبحـثالأعضاءالمجموعاتالتسجيلدخولآهلا وسهلآ بكل الآوتاكو ،فقط الآوتاكو لهم مكآناً في مملكة الانمي

شاطر | 
 

 ههههههههههه نكت عراقية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ساحره الأنمي

avatar

عدد المساهمات : 4
تاريخ التسجيل : 20/03/2016

مُساهمةموضوع: ههههههههههه نكت عراقية    الأحد مارس 20, 2016 8:42 pm

-كردي اكل قطعة ماجي اتخربط راح للطبيب كله :شماكل ؟كله جكليت ام الديج
-محشش وقفه شرطي قاله ليش ما ربطت الحزام قال أصلا ما لبست بنطلون

-اكو شياب كاعدين يتابعون الاخبار كال الاول!ليش الاخبار طولت كال الثاني!يمكن الحلقه الاخيره
-واحد طلع ويه مرته حتى تشتريلها حذاء
هي تريد كعب عالي وهو يريده فلات
ابو المحل كله عيني دخليها براحتها
الرجال كله اخويه هو منو راح ينضرب بيه اني لو انته
-محشش كاعد كدام البردة ليش؟؟؟؟؟
......ينتضر المسرحية تبدي
-واحد يسأل محشش: عندي ارنب شون اعرف اذا جان ذكر او انثى؟
المحشش: هده اذا ركض يعني ذكر واذا ركضت يعني انثى
-واحد ابو محل موبايلات اجته بنية سماها شريحة
-مهندس كمبيوتر حلل دمه طلعت فصيلته Hp
-محشش ورث 60 مليون اشترى رونالدو
-محشش انقذ واحد غرقان ، انطوه وسام شجاعة وقالوله بس للاسف الرجل انتحر شنقا ، رد المحشش : لا انا علقتة علمود ينشف
-اكو وحده دزت زوجها للسوق حتى ايجيب ملح
ضربته سيارة اوهو راجع..
سألتها جارتها من سمعت بالخبر: كلبي عليج اسويتي من ضربة السيارة
جاوبتها : طبخت الاكل بلا ملح.
-محشش يگول : سبحان الله الإنسان مثل بني آدم اذا توفى مات
-اكو فيتر اشترة جرباية نام جواهة
-وحدة كالت لزوجهة حبيبي اليوم عيد زواجنا شنو راح نسوي، كلها اول مرة خلي نوقف دقيقتين حداد
-مدرس احياء كردي جاب للطلبة مال صف سادس علمي سؤال بالوراثة يكول :
س \ تزوج حرامي اسمر العينين من حرامية سمراء العينين فانجبوا طفل احول العينين احسب التعجيل اذا علمت ان عدد القوات الامريكية في العراق واحد دولار وعشرة سنت
-اكو واحد راد يضلل سيارته لزك جهالة على الجام
-تحذير الحب : سبب رئيسيي في الفشل الدراسي وتصلب المخ والغباء المفاجىء
-اثنين محششين وكفهم الشرطي وكللهم ليش عيونكم حمرة؟
كلوله احنا اخوان
-اكو أثنين بخلاء اتراهنو ,, بان اثنيناتهم ايغطون بالشط ,, والي يطلع أول وأحد يعشي الاخر؟؟؟؟؟ وغطو وبعد ما طلعوا
-كردي مات فاول ليله اجو الملكان و يسألون بي كلوله من ربك من نبيك من ... كال كاكا اني ما اعرف اذا ضايجين اروح لغير مقبره ...
-فديوم الابوبريص طب للغابة شاف الاسد كله تتعارك بس مو هنا برة الغابة؟ باوع عليه الاسد كلة يلة راحو ورة ساعتين اجة النمر قال هذا الاسد وين صار خلي اروح اشوفة هم ساعتين وماكو اجة الفهد كال خلي اشوف هذولة الاثنين وين صارو طلع برة الغابة شاف الابوبريص صاعد على كتف الديناصور ومن شاف الفهد صاح خالو خالو هذا هم وياهم
-قرار من الحكومة العراقية الي يجيه طفل جديد هسه لازم يصقطله شايب
واحد سأل ابنه:لك ليش الاستاذ كاتبلك بالدفتر حمار؟ جاوبه:لا بابا هذا توقيعه.!!!
-جريدة بالناصرية ناشرين صورة واحد ديعبر رجال اعمى و كاتبين جواها(متى تنتهي هذه الظاهرة)
-كردي مينام بالليل ليش ؟
يريد يشوف منو يخربط شعره من ينام
-واحد محلو اتزوج وحدة محلوة
جابو طفل شمروه بالزبل

-محشش طلّع الصوبه ليبرّه البيت.. كالوله ليش؟؟ قال :مو برّه أبرد

-كردي كاعد على جرف نهر...شاله حجاره وذبها بالمي...جان اتصير دويره مال مي..بدات تكبر وتكبر...جان ايكول شنو هاي..جبتهه بالنص. …فيت

-اكو وحدة كالت الزوجهااريد اروح لليابان كلهاليش كالت اريداشوف سورالصين

-واحد مات وجاي يشيعون جنازته...من بين الشايلين جنازته واحد أعرج...فالجنازة تهتز كل ما يعرج صاحبنه اليشيع وتروح يمنه ويسره...لهناك الميت زهكَـ...رفع راسه من التابوت وكَـال ... يمعودين شني السالفه ... ما وصلنه التبليط ؟؟؟

-فد يوم دليمي زغير يمشي بالبايسكل و وكَـع...جان تنشكَـ أدينه..أبوه وداه للدكتور..كاله دكتور خيط أدين أبني ..كال الدكتور أبره وخيط ما عندي ..فكَـال الأبو زين دكَـها بسامير

-محشش يقرا بصفحة الوفيات بالجريدة و يكول يا رب اسمي مو وياهم

-اثنين محششين يباوعون على الضوه مال الشارع واحد يكول هذا كمر والثاني يكول
هاي شمس مر من يمهم دليمي سالوه هذه شمس لو كمر كال والله اني مو من هذه المنطقه

-امراه عجوز ابنها غرق بالماي تبجي عليه بصف الشط مر عليها كردي كاللها حجيه شبيج تبجين كالتله ابجي على ابني غرق بالماي كاللهه الكردي حجيه كافي بجي بلكي يطلع اسير

-كردي حزر صاحبه كلله اذكرلي حيوان برمائي كله تمساح كلله حيوان ثاني كلله تمساح ثاني

-اكو واحد شرب كهوه غص بالكراسي

-كردي شاف قنفذ كال خطيه يرالده شامبو دوف هههههههههههههههههههه

-كردي بيه اسهال راح للدكتور ما يعرف شيكوله كاله دكتور اشو هالايام معدتي ما تجمد

-كردي طب لدكتور العيون #الدكتور اسئله شبيك#كله دكتور ليش من اخلي ايدي على عيني ماشوف بعد واتصير الدنيا ظلمه#الدكتور#اي بابا روح للتورنجي وازرف ايدك علمود تصير زين##

-كردي وعربي اصدقاء اتزوج الكردي العربي طلع مسدسه جان يرمي ليفوك ابتهاجا مثل ماايكولون وره فتره العربي اتزوج فاجه الكردي كال لازم اسوي احسن منه فطلع عبوه ناسفه وبنص العروسين فجرها

-اكو فد واحد معلم سال طالب محشش بدرس الرياضيات بالقسمة كالة ستة على ثنين كلة استاذ ايموتوهم كتل

-اكو محشش راح للطبيب كاله دكتور اني بلعت حصان..الطبيب كاله لازم اسويلك عمليه ..اعطاه مخدر وراح الطبيب جاب حصان وخلاه يم المحشش وبعد ما افاق من البنج اهل المحشش والطبيب كالوله مبروك هذا الحصان اللي بلعته..المحشش كاله دكتور الحصان اللي بلعته ابيض وهذا حصان جوزي ه÷÷÷÷÷÷

-صرح مسؤول زعطوط في سبيس تون ان ساسوكي اتزوج لينا وان شهود عميان شاهدو عدنان اباب الشرجي لابس دشداشه خاكيه ويكولون اتخبل..........
-وصرح نفس الزعطوط بأن كرندايزر انصدم بعامود كهرباء لان فكس عنده البريك وقال بأن حالة دايسكب في خطر وان دايسكي يتهم دامبي بتخريب كرندايزر....
- فد واحد خطب لبس حلقه ومن اتزوج لبس المسلسل كلهه هههه
-محشش طب المطعم طلب اكل كلولة صالة لو تيك اوي كال خلولي نص ونص
-عندما تغرد البعران وتسمع نهيق العصافير
وترى الجمل يمتص رحيق الازهار والخرفان تحلق في السماء وكأننا في حلم..((محشش يكتب انشاء))



-اكو واحدساله ابوه
من تكبر شراح تصير
؟؟؟؟؟جاوبه اصير شايب
-محشش يسأل واحد : كم الساعة قال مدري قال غريبة انا عندي مدري الا خمس دقايق
-كردي سألوه شنو تتمنى تصير في المستقبل؟
كال اتمنى اصير خبير روسي..!!
-أكو مجرم قتل واحد حاكموه كله القاضي ليش قتلت المسكين بـ سكينه كله ولله سيدي ضروفي ماتسمح أشتري مسدس
-اكو واحد يمشي بالصحراء لكه فانوس سحري فركه طلع المارد كله شبيك بين اديك كله اريد بيت وسياره وحديقه بيه نخل كله المارد جمع واني اشتريلك
-اكو واحد دخل على شيخ الجامع كله شيخناهذا الجامع مالمن كله هذا مال المسلمين كله ممكن ابيع حصتي
-كان جحا راكبا حميره حينما مرَ ببعض القوم وأراد أحدهم ان يمزح معه فقال له : ـ
يا جحا لقد عرفت حميرك ولم أعرفك
فقال جحا : هذا طبيعي لأن الحمير تعرف بعضها

-شنو الفرق بين التنورة القصيرة والحبل!!! الحبل ايجر وراه حمار واحد بس التنورة القصيرة اجر وراها الف حمار هههههههههه
-فد يوم واحد سكران فتح الكنتور شاف روحة بالمراية كال لك هذا حرامي قفل الكنتور وراح جاب شرطي سكران ....الشرطي كلة افتح الكنتور جان الشرطي شاف روحة بالمراية كلة مو يمة شرطي ليش صحتني
-واحد طلعله قصر بالجنة فلشه وسواه دكاكين
-اكو واحد بخيل عنده محلات في نفس العماره يوميه المغرب يجمع الايجارويصعد فوق السطح يحسبهن ليش ما يجي هواء ويطير الفلوس كام نزل ركض للكاع مالكاهن ليش لان نزل قبل ما يوكعن للكاع
-مرة حامل سالتها بنتها الصغيرة ماما شو اسم اختي الصغيرة في بطنك قالت اله ماما راح اسمها اسيا راحت للمدرسة سالت المدرسة اين تقع قارة اسيا قالت تقع قارت اسيا في بطن امي
- كردي كام يركض سألو ليش تركض كللهم تعبت من المشي
-مرة واحد يتعلم يصلي فكلما ايخلص صلاة ينسى ايكو ل السلام عليكم....
فراح للشيخ فكاله الشيخ كلما اتخلص صلاة سلم على اللي ابصفك فاجه و كت الصلاة و خلص و اندار على اللي ابصفة كال السلام عليكم و رحمة الله و بركاته و اندار على اليسار شاف و لد اصغير فكلة هلو عمو
هههههههههههههه
-فد يوم واحد عطس الي بصفه كله يرحمكم الله جان هو يجاوبه اي والله شنسوي
-مستشفى المخابيل هم احتفلو بالعيد و جابو نفاخات و كعدو يطككون بيها و من تنفجر ايصيحون عبوة !! عبوة!! و يركضون عدا واحد ضل واكف الطبيب عبالة عاقل كله شعجب واكف اكيد انتة مو مثل ذولة جماعتك كله دكتور اذا ركضنا قابل راح نفلت من العبوة؟؟ اظل واكف و الله الحافظ
-فد يوم حشاش صعد على عامود مال كهرباء الي يم بيتهم التمت عليه الناس ويصيحوله انزل يمعود ابو الغيرة ..وما يفيد كلولة شنو السالفة؟؟؟ كلهم عوفوني ظلت حسرة بگلبي تنتلني الكهرباء الوطنية
-اكوشيخ قبيله جمع اهل قبيلته وكاللهم اللي يخاف من مرته يكوم يوكف كله كامت وكفت بس واحد بقى كاعد والشيخ يعرفه كلش زين يخاف من مرته كاله ها فلان ليش ماكمت كاله ولله شيخنه من اسمع بطاريها بعد رجليه ما يعينني اوكف

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Moonka
Admin
avatar

عدد المساهمات : 21
تاريخ التسجيل : 05/07/2015
العمر : 17
الموقع : http://anime-kingdom.riadah.org

مُساهمةموضوع: رد: ههههههههههه نكت عراقية    السبت أبريل 16, 2016 9:30 pm

ههههههههههههه

شكرا لك ساحرة تشان ^^
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://anime-kingdom.riadah.org
owari-chan

avatar

عدد المساهمات : 14
تاريخ التسجيل : 19/11/2015

مُساهمةموضوع: رد: ههههههههههه نكت عراقية    الجمعة أبريل 22, 2016 4:13 pm

ههههههههههههههههههههههههههههههههههههههههههههههههههههههههه
شكرا لك يا اختي جدا عجبتني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ههههههههههه نكت عراقية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة الأنمي , ترجمة الأنمي & مانجا :: المملكة العامة :: الترفيهه عن النفسس-
انتقل الى: